Yangiliklar

"Rosatom" O‘zbekistondagi kichik AESning birinchi blokiga mo‘ljallangan uskunalarni ishlab chiqara boshladi.

O‘zbekistondagi kichik quvvatli atom elektr stansiyasi (KQAES) uchun komponentlar ishlab chiqarish “Rosatom”ning Sankt-Peterburgtagi zavodida boshlandi. RITM-200N reaktorining birinchi po‘lat quyish jarayoni 2025-yilgi Power Uzbekistan ko‘rgazmasida Toshkentda namoyish etildi.

Rossiyaning davlat korporatsiyasi “Rosatom” tarkibidagi mashinasozlik bo‘limiga kiruvchi Sankt-Peterburgtagi “AEM-Spetsstal” metallurgiya zavodida O‘zbekistonda barpo etilayotgan kichik quvvatli atom elektr stansiyasining birinchi energiya bloki uchun reaktor uskunalarini ishlab chiqarish boshlandi.

Metallurglar bo‘lajak RITM-200N reaktor qurilmasi uchun birinchi po‘latni quyishdi. Bu jarayon 13-may kuni Toshkentda boshlangan O‘zbekiston Xalqaro energetika haftaligi doirasida Power Uzbekistan 2025 ko‘rgazmasida taqdim etildi.

Kompaniya xabariga ko‘ra, quyilgan igna 205 tonna og‘irlikdagi legirlangan po‘latdan yasalgan. Keyinchalik ushbu ignadan RITM-200N reaktor qurilmasi korpusi uchun detal tayyorlanadi va u stansiya tarkibiga kiradi.

Umuman olganda, O‘zbekistondagi kichik quvvatli AES loyihasi doirasida RITM-200N turidagi olti reaktor qurilmasini ishlab chiqarish rejalashtirilgan.

Manba